Heimatverein Warendorf

• Startseite 
• Bilderbogen
• Stadtmuseum
• Persönlichkeiten
• Warendorfer Lexikon
• Kirchen
• Textilstadt
• Erlebte Geschichte
• Friedhof
• Über uns
• Archiv

Vetellsels üöwe Advent bin Krinknommdag
von Franz Schulze Nahrup; 17. 12. 2023

Bauernkrippe von St. Marien in Warendorf

Bie ösig Wiär konnere Baas Franz Schulze Nahrup gurt vettig Lüe in den puttke warmen Rum int Malteser Marienheim begrüßen. Josef Bussmann bedankere sick toiärst bie de  Fraulü, de in den Rum de Stöhle un Dischke ümmer trechte settet. Met dat Leed „Sünte Klaos kurm män harin“gong et los. Dat Nikolausleed hät daomaols  Wilm Brokamp in Platt ümschrierben. He was lange de Pindreier (Berichter) von den Plattdütsken Krink.

„Wiehnachten ut mine Kinnertiedt“ was dat erste Vetellsel von Josef Bussmann.  Nao den Krieg üm 1950 was man froh, wenn üöwehaupt wat unner den Wiehnachtsbeim lag. Jedet Kind kreg enen Wiehnachtspappteller met soet Wiärks un ene Appelsine. Wenn dann noa nen Paar Söcken debielachen, was man froh. Kinene sag dao wat to. Alle wassen blos froh, dat de Krieg vöbie was. Heinz Beckhove harr en Vetellsel ut de 70iger Jaohre. Die Wiehnachtsbeimbuen wassen ant klagen, dat sovul Wiehnachtsbeime klauet wuorn. Se häbt sick damet holpen un häbt dao fuule Eier instoppt, de bien Transport kaputt gongen. Auk Roswitha Wienströer harr wat von den Sünte Klaos, de bie Riägen von Huus to Huus gong. Ernst Ruhe wuss wat daorüöver, wu son Bue am bessten in den Himmel kümmt. De Witwe gong nao den Pastor un hannele met em de Missen nao de Beerdigung ut. Anlest hangere he blos nao met de Föte int Fiägefüer. De Witwe meinere, dat was nich so schlimmt. He harr sien Liäben lang doch koaolle Föte hat. Tüschkendiör wuorn de Leeder „O Dannenbaum“, Alle Jaohre wiee“ un „Schneeflöcksken Wittröcksken“ sungen. So laip nen ommodige Nommdag up sin Enne to. Düör de Vetellsels konnen sick vierle Besökers gurt an üöhre Kinnertiedt  trüggedenken, wu et daomaols so wass. Met „Gurt gaohn – auk so – bes en anner Maol“ gongen alle vegnögt nao Huuse ut freit sick all up den naichsten Krinknommdag an,n 10.Januar wie eint Malteser Marienheim.